ريفيو اليوم عن فاونديشن شانيل برفكسيون لوميار

CHANEL PERFECTION LUMIÈRE
 
 
 
وصف المنتج من الموقع : يتحكّم مستحضر "برفكسيون لوميار" PERFECTION LUMIÈRE بكلّ التفاصيل التي تميّز لون البشرة المثالي لكي يوفّر لكِ نتيجةً تلائمكِ تماماً، توضَع تركيبته السائلة والخفيفة بواسطة طرف الأصابع ويمكن تعديل سماكتها وفقاً لرغباتكِ، كما أنها تنساب على بشرة الوجه بشكل رائع وتواكب كافة حركاته. ويضمن المركّب المتوافق تماماً مع البشرة Perfect Skin Affinity مظهراً طبيعياً مثل بشرة ثانية، ويمدّد ثبات مستحضر الأساس الملوّن لمدّة 15 ساعة.
متكاملة للغاية، إن درجاته اللونية سهلة الاستعمال لكي تجد فيها كلّ امرأة اللون المثالي الذي ينسابها.
 
رأيي: صار لي فتره طويله استخدمه تقريبا سنه ، يبان طبيعي على البشره لو اخترتي اللون صح خصوصا ان فيه منه 15 درجه تقريبا " طبعا في السعوديه ما تكون متوفر كل الدرجات " قوامه كريمي سهل بالتوزيع شكله النهائي على البشره مات ( مطفي ) ميديم كفرج مريح على البشره و ريحته جميله زي باقي منتجات شانيل .. تقدري تحطي منه اكثر من طبقه و يطلع برفكت و ما يتكتل (قابل للبناء) فيه نسبه حمايه من الشمس SPF 10 ، من ناحيه الثبات يبقى علي 13 ساعه بالرطوبه و الشمس ولا يتاثر .. يوحد لون البشره مرات يكون عندي اثار لكم حبه يخفيهم بدون كونسيلر و يخفي الاحمرار  ما اعرف لو كان فيه تبقعات بالبشره كثيره يخفيهم او لا ..
احسه مناسب للبشرات المختلطه و الدهنيه لانه ينشف و يصير زي الباودر 
درجتي 40BEIGE اغمق مني بدرجتين تقريبا بس مو باين غامق بشكل بشع .. ما انتبهت انه يتاكسد و يبان اغمق بعد ما يجف 
فمره ثانيه راح اخذ افتح مني بدرجتين عشان لما يتاكسد يبان نفس لون بشرتي
 لو حابه تشتريه خوذي عينه و جربيها عشان تتأكدي ان اللون مناسب لك ...

 
طريقه استخدامي لـ CHANEL PERFECTION LUMIÈRE :
بما ان بشرتي جافه الى عاديه و الفاونديشن مات .. احط موسترايزرمن Cetaphil  للبشره الجافه ترطيبه جدا عالي و اخليه على بشرتي 5 دقايق  بعدها احط ستروب كريم على الأماكن الي احتاج يكون فيها هايلايتر " نزلت بوست عن ستروب كريم و استخداماته لو حابين تقرون عنه " بعدها اوزع الفاونديشن ببيوتي بلندر بطريقه الطبطبه  بعده احط كونسيلر تحت عيني و اثبت الكونسيلر بباودر و ارش فيكس بلس  .. و يبقى ثابت لـ 13 ساعه تقريبا بدون ما يتغير
 
 
المميزات : ثبات عالي - درجات الألوان كثيره - قابل للبناء - سهل بالتوزيع - مريح على البشره - حمايه من الشمس  SPF10
العيوب : يتاكسد ( اول ما يتعرض للهواء يبان اغمق ) 

السعر: 250 ريال
متوفر في : سيفورا - باريس غاليري - وجوه - دبنهامز

ريفيو اليوم عن STROBE CREAM form MAC ( ستروب كريم )



 





 وصف المنتج من موقع ماك : منتج الإصلاح السريع الفائق للبشرة. معالج بقوة فائقة من عناصر نباتية فعالة؛ ينعش البشرة الشاحبة أو المرهقة ويقضي على إجهادها ويرطبها وينشطها ويعززها من خلال حزمة فيتامينات مضافة و الشاي الأخضر. يعمل على تفتيح البشرة وإظهار صفائها من خلال استخدام مجموعة متنوعة اللون من الجزيئات ومضادات الأكسدة. يعزز من تأثيرات الضوء على البشرة كلها وفي كل ظروف الإضاءة بداية من ضوء الشمس وحتى ضوء المصابيح.

قوامه كريمي خفيف يعطي ترطيب خفيف فيه لمعه بسيطه ( مو قليتر او شيمر ) مناسب للبشرات الجافه و العاديه في الغالب صاحبات البشرات الدهنيه يفضلون منتجات التجميل المات ( المطفيه )

له طرق استخدام كثيره
ممكن تستخدميه كبرايمر قبل الميك اب على الوجه كامل او على مناطق بوجهك عشان يعطي glow طبيعيه او لمعه طبيعيه
ممكن تدمجيه مع فاونديشن او الأساس لو كان مات ( مطفي ) راح يطلع لك لوك ديوي ( لمعان طبيعي كان وجهك صحي )
ممكن تستخدميه كهايلايتر بعد فاونديشن تحطي كميه قليه منه ع المناطق اللي حابه يكون فيها هايلايتر تدمجيه باصبعك او بيوتي بلندر
ممكن تحطيه بدون ميك اب لو بشرتك شاحبه او جافه
ممكن تستخدميه على جسمك يعطي قلو طبيعي

بالنسبه لي اعتبره منقذ لبشرتي لو كانت شاحبه و ما استغني عنه بـ الميك اب او بدون
و لو خلص اكيد بشتري منه


 سعر بحدود 150 ريال   *ما أتذكر بالضبط كم كان

.



اليوم راح أتكلم عن منتجين لحماية الشعر من حرارة الإستشوار [ او سشوار بشكل اصح ]
 
المنتجين هما
Tresemme Keratin Smooth    &    Syoss Heat Protect
 

 
احس ما جربت المنتجين بشكل كافي .. لان قليل استشور شعري ، و المفروض أكون مجربه كل منتج لمده ثلاث شهور تقريبا عشان اقدر اعطيكم رأيي الصحيح " رأيي في المنتجين ما راح يكون دقيق "
 
اتوقع الكل عارف قبل الإستشوار او الفير او الستريتنر لازم يستخدم شي لحمايه الشعر من الحرارة. 
بس فيه ناس بتقول ايش الفائدة منه..!!  هذي المنتجات راح تحمي شعرك من فقدان رطوبته و ليونته ، مثلاً لو استمريتي فتره تستشوري شعرك بدون ما تحميه من الحرارة راح يتلف بشكل اسرع. بس لو استخدمتي هذي المنتجات الي تحمي الشعر من الحرارة راح يقلل من تلف الشعر ( الناتج عن الإستشوار و غيره ).
 
في البداية راح أتكلم عن المنتجين بشكل عام
المميز فيهم ان قوامهم خفيف وما يخلون شكل الشعر دهني, و سهل التوزيع بما انه بخاخ و ممكن استخدامه على الشعر الجاف او المبلول..
طريقه استخدامهم وحده وهي انك تبُخي المنتج على شعرك بالتساوي على شكل أجزاء ( بالنسبه لي اركز ع اطراف الشعر اكثر ) بعدها تمشطي شعرك عشان تتأكدي انه وصل لكل شعره وتستخدمي الإستشوار عادي، لو كان شعرك مبلول استخدمي نفس الخطوات و جففيه بالمجفف بعدها ممكن تستخدمي فير او إستشوار او ستريتنر .
 
الان راح أقول لكم رأيي بكل منتج
Tresemme Keratin Smooth (heat protection shine spray) 

مناسب بعد استخدام الكيراتين و مناسب لشعر المصبوغ ، و مكتوب انه يستعيد الكيراتين و المفروض يعطي لمعان لشعر( ما حسيت اعطاني لمعان بشعري )
ريحته ع الشعر حلوه زي ريحه شامبو ترسمي .
ما اقدر أقول انه افضل منتج بس يعتبر يفي بالغرض
 
Syoss Heat Protect

يحمي الشعر من الحرارة الي توصل لـ 220 درجه مئوية
هذا المنتج من يوم اشتريته استخدمته مرتين بس و ما تحملت ريحته ، ريحته زي اللبن ما اعرف الريحة ع الشعر جدا جدا مزعجه .
احس ما عطيته حقه لان استخدامي له جدا قليل فما اعرف لو انه افضل شي او لا "بغض النظر عن الريحه"
 
 
كل المنتجين ممكن تلقونهم بالصيدلية او السوبرماركت
السعر : ما يتجاوز 40 ريال
 
 
  

الأساس هذا راح يعطيك تغطيه كامله "Full coverage" فينفع للي عندهم اثار حبوب او تبقعات بالبشره ..
ينفع للبشرات الدهنيه و العاديه , اما الجافه راح يجففها زياده و ممكن يطلع قشور و خطوط . شكله النهائي ع البشره مطفي "Matte"
 فيه نسبة حمايه من الشمس "SPF 10" مناسب للأجواء الحارة و الرطوبة العالية 

في وصف المنتج كاتبين انو يبقى ثابت لـ 15 ساعه  ؛ جربته لـ 12 ساعات يبقى زي ماهو .. ما يخف او يتجمع بالخطوط 
مناسب للمناسبات , ما ينفع  يكون أساس يومي لانه ثقيل بس ممكن تحطين طبقه خفيفه منه لو انتي محتاجه تغطيه عاليه ..ابداً لا تهملي تنظيف بشرتك بعد الميك اب عشان ما يسبب حبوب داخليه

التوزيع افضل شي يكون بفرشه "kabuki brush " او اسفنجه "beauty blender" لازم توزعيه بسرعه قبل يجف


انا استخدم
 Flat Kabuki Brush F80 from Sigma





اشوف ان هذا الأساس يستحق التجربه *لو كنتي متردده ممكن تاخذي عينه من المحل و تجربينه ..

المميزات : ثابت - تغطيه كامله - ما يتاكسد ( يتغير لونه بعد ما يتعرض للهواء ) - يبان طبيعي ع البشره
العيوب : العلبه بدون ضغاط .. بس ممكن تركبين له

متوفر في : دبنهامز , وجوه , فافافوم , باريس قاليري
سعر :  230 ريال